Landsfundarsamþykkt VG engin fyrirstaða

Það virðist þykja fréttnæmast eftir þennan borgarafundi á Selfossi að Samfylking og Vinstri græn séu ósammála um ESB-aðild. Það hefur held ég þótt merkilegast eftir alla borgarafundina hingað til.

Svo mikið er þó víst að landsfundarsamþykkt VG stendur ekki í vegi fyrir því að farið verði í aðildarviðræður strax. Kaflinn um ESB er svona:

"Vinstrihreyfingin – grænt framboð telur nú sem fyrr að hagsmunum Íslands sé best borgið utan Evrópusambandsins.  Sjálfsagt er og brýnt að fram fari opin og lýðræðisleg umræða um samskipti Íslands og sambandsins. Landsfundur VG leggur áherslu á að aðild íslands að ESB eigi að leiða til lykta í þjóðaratkvæðagreiðslu. Landsfundur telur mikilvægt að fyrirkomulag þjóðaratkvæðagreiðslu fái rækilega umræðu og að hliðsjón verði höfð af væntanlegum stjórnarskrábreytingum og hvað eðlilegt getur talist þegar afdrifaríkar ákvarðanir eru teknar um framsal og fullveldi."

 

Hér er ekki eitt orð um tvöfalda þjóðaratkvæðagreiðslu. Flokkurinn leggur áherslu á að aðildin verði leidd til lykta í Þjóðaratkvæðagreiðslu. Það er nú allt og sumt. Og um það eru reyndar held ég allir sammála.

VG ekki tilbúinn í aðildarviðræður í sumar

Athugasemdir

[Gunnlaugur B Ólafsson, 21.4.2009 kl. 00:16]

Rúllum málinu í vinnslu í júni. Það er búið að ræða þetta í áraraðir og þörf á að stíga næstu skref og meta síðan uppskeruna í þjóðaratkvæðagreiðslu. Mbk, G

[Anna Benkovic Mikaelsdóttir, 21.4.2009 kl. 00:22]

Það er tilfinningamál hjá mér (VG) að þjóðin sjálf fái að kjósa um aðildarviðræðurnar ...útkomuna!!!

[Valsól (IP-tala skráð) 21.4.2009 kl. 00:33]

Ef VG ætla að taka það frá þjóðinni að fá að ákveða hvort hún vill fara í EB eða ekki, þeir eru að gera stór mistök. Ég skora á alla sem vilja fara í ESB að kjósa Samfylkinguna, það er ekkert sem heitir annað en hreinn meirihluti. Þjóðin hefur ekki efni á því að fara eftir skussunum sem með ákvörðunum sínum eru að setja þjóðina í þá stöðu að geta orðið fyrir hruni nr. 2.

[Héðinn Björnsson, 21.4.2009 kl. 15:12]

Valsól það er ekki meirihluti þjóðarinnar á bak við að sækja um aðild að ESB. Meðan sú er staðan verður ekki sótt um aðild. VG hefur sagt að flokkurinn muni ekki hyndra vilja þjóðarinnar í að koma fram í þessu máli sem er umtalsvert lýðræðislegra en afstaða Samfylkingarinnar um að sækja um aðild hvort sem meirihluti sé fyrir því eður ey.

[Hilmar Gunnlaugsson, 23.4.2009 kl. 19:47]

Ég tel að Samfylkingin þurfi að setja það skýrt í stefnu sína að ekki verði gengið til liðs við ESB án þjóðaratkvæðagreiðslu um málið.